Decoding digital pedagogy

Is digitale pedagogie werklik alles in die leer omgewing, soos wat ons onsself somtyds laat dink?




As ons die video vat wat ons in die klas gesien het, kom mens vinnig agter dat nie alle skole is soos die waarin jy was nie. Ek persoonlik het nooit eers daaraan gedink hoe dit moet wees om 'n taak te doen of om te leer sonder die gemak van 'n rekenaar en internet nie. Die vraag kan wees, sal die dkool van die video regtig baat daarby om sulke tipe tegnologie te hê? Die antwoord , beslis. Alhoewel ek vermoed dat hulle nie die digitale pedagogie ten volle kan benut nie , sal dit wel vir hulle die geleentheid gee om nuwe en opdatum inligting te bekom.Dit alleen sal verseker dat hulle swak matriek resultate sal beter raak. Dus voel ek die regering en groot besighede kan gerus in arm skole "invest" , dit is egter die toekoms van ons land.




Onderwysers van skole soos die in die video en jou meer welgestelde skole bevind hulle albei nog steeds in 'n moeilike situasie . Jesse noem dat mens 'n digitale pedagoog word deur jare lank navorsing te doen , dit te beoefen , daaroor te skryf en dit aan te bied. In vandag se besige kurrikulum het onderwysers in die praktyk net eenvoudig nie die tyd om soveel aandag daaraan te spandeer nie en sal ons sukkel om werklik 'n "expert" in digitale pedagogie te word.




Ek voel steeds dat die tegnologie tot die beste van die onderwyser en leerders se vermoë gebruik moet word. Om nie 'n "expert" digitale pedagoog te wees nie maak nie saak nie, maar om te streef om so na as moontlik daaraan te kom is waaroor dit alles gaan. Om 'n digitale pedagoog te word of so na as moontlik moet mens bereid wees om te improviser , om op nuwe omstandighede en omgewings te reageer en om te eksperimenteer.




Ten slotte , is dit baie belangrik vir alle onderwysers om te onthou dat digitale pedagogie nie die pad deur die woud is nie , maar slegs die kompas. Ons as toekomstige onderwysers moet onsself kan handhaaf sonder die tegnologie en net gebruik maak daarvan om die leer ruimte te verbeter. So om die vraag te beantwoord wat aan die begin gevra is, nee digitale pedagogie is nie alles nie maar dit maak verseker 'n groot deel uit daarvan.

Digitale pedagogie

Die term pedagogie het twee weke gelede vir my absoluut geen betekenis gehad nie, om eerlik te wees het ek nie eers geweet daar bestaan so 'n word nie. Maar twee weke later en hier sit ons en gooi die word rond asof ons dit al jare gebruik. Digitale pedagogie beteken dus vir my , om tegnologie te gebruik om die leer proses te vergemaklik. Ongelukkig is daar mense wat voel die tegnologie werk teen op die tradisionele manier van onderrig, en tradisionele maniere is daar vir 'n rede of hoe?

Ek voel tegnologie is daar om gebruik te word , alles in mate. Die gebruik van "powerpoint slides " is 'n voorbeeld van goeie hulpmiddel en hou leerders se aandag, maar as die tegniese hulpmiddel nie 'n aanbieding in 'n spesifieke rigting gaan stuur nie , is dit beter om die klas daar sonder aan te bied. Soos Bauerlein noem, onderwysers sal erken dat sekere aspekte van intellegensie die beste sal otwikkel deur gebruik te maak van 'n kombinasie van digitale en nie-digitale hulpmiddels.

Digitale pedagogie se grootste nadeel is dat onderwysers dit maklik kan gebruik as 'n basis vir klas aanbiedings , dit kan egter daartoe lei dat dit die leerders verhoed om verder in gesprek te tree oor spesifieke aspekte en kan 'n atmosfeer in die klas skep as net nog 'n klas wat moet deur gesit word omdat hulle verplig is om dit doen en nie omdat hulle daar wil wees omdat hulle leer nie.

Dus waarop dit neerkom is , as mens wel die toegang tot tegnologie het is dit verseker 'n moet in elke klaskamer. Ons lewe in 'n wêreld waar tegnologie besig is om oorteneem en waar klasse al reeds met die "flip" klaskamer 'n groot digitale network word waar klasse nie eers meer 'n noodsaaklike is nie. So hoe vinniger kinder kan leer om die tegnologie te benut en tot hulle eie voordeel te gebruik ,hoe beter vir hom of haar.